首页 > 娱乐在线 > 正文

阿萧呻翠如忙到唔得闲结婚
2018-09-17 16:54:32   来源:   评论:0 点击:

萧正楠、黄翠如昨日情侣波出席商场活动,阿萧於台上透露中秋当日要去瑞士与胡定欣、曹永廉等摄影旅游节目《兄弟姊妹旅游团》,在旁嘅翠如即说:「逢亲out牙齿印架嘛,你都同阿廉过,byebye啦!」呢排无线小生、花...
萧正楠、黄翠如昨日情侣波出席商场活动,阿萧於台上透露中秋当日要去瑞士与胡定欣、曹永廉等摄影旅游节目《兄弟姊妹旅游团》,在旁嘅翠如即说:「逢亲out牙齿印架嘛,你都同阿廉过,byebye啦!」
呢排无线小生、花旦频爆婚信,问到两人系咪已经影地婚纱相?阿萧笑言二人於《师奶madam》同《幕后玩家》两套剧中已影咗两次地婚纱相,故可以问公司攞婚照。
被问系咪可以随时结婚?阿萧话:「问佢(翠如)啦!佢做到飞起,每日开工十、廿几个钟。」
讲到话可会考虑停工结婚?阿萧话个个人均有其节奏,佢哋亦有自己嘅节奏,较早前陈展鹏公布迎娶拍拖一年几嘅单文柔,原来阿萧同对方系小学同学,知道喜讯后大有开心,对於有指二人奉子成婚,佢话:「呢个我唔知,佢咁劲㗎?」阿萧续讲单文柔呢排冇份录影《靓女厨房》,或者忙於意筹备婚礼,而翠如篇大赞即将搂嫁衣嘅单文柔愈嚟愈靓。
打风喺屋企打边炉
适逢台风「山竹」来袭,翠如表示打风期间呢,会留喺屋企打边炉同瞓觉,事关女友对食材要求高,阿萧称活动后会飞车出市区买打甂炉食材,一旁嘅翠如即系话:「屋度得个公仔面咋!」阿萧即说:「我都叫阿廉喺大埔帮我买壅餸,因为佢讲价好叻!」翠如即说:「可以去佢屋企住,佢哋会接济我哋。」更笑言阿廉系二人中间嘅「第三个人」。

相关热词搜索:萧呻翠

上一篇:麦明诗力撑冯盈盈公厕论
下一篇:最后一页

分享到: 收藏
评论排行